Sa Poesia Nugoresa cun Mariantonietta Piga

Comente pro sos àrabos e pro àteros pòbulos peri su mundu, sa poesia est istada pro sos sardos sa forma artìstica prus arta e chi prus at apassionadu su pùbblicu sardu. In intro de sa traditzione de poesia sarda nch’at chentinas de lùmenes e de poesias, prus o prus pagu connotos, e nch’at fintzas cosas a foras de sa traditzione chi pertocant a bortas una bidda o una tzitade ebbia. Pro nàrrere in Nùgoro, in s’otighentos, essit a campu un’iscola de poetas chi impreant su sardu nugoresu in sas poesias issoro. In custa puntada mi fatzo un’arresonada cun Mariantonietta Piga, nugoresa, giornalista in sardu in sas televisiones sardas telesardegna, comente tradutore at giradu in sardu sos libros de Emilio Salgari e de Edmondo de Amicis, e faghet fintzas s’editor de romanzos in sardu. Cun Mariantonietta faghimus una panoràmica istòrica subra sa poesia nugoresa de s’otighentos, mentovamus sos poetes prus importantes de custa iscola e chistionamus de sos temas e de sa casta de limba chi impitaiant custos poetes.  Libru #1: Gonariu Pinna - Antologia dei poeti dialettali nuoresi, Ilisso, 2013 https://www.ilisso.it/prodotto/antologia-dei-poeti-dialettali-nuoresi-2/Libru #2: Un ribelle nell’ombra Vita e opera di Pasquale Dessanai de Giancarlo Porcu, Il Maestrale 2023, https://edizionimaestrale.it/prodotto/un-ribelle-nellombra-vita-e-opera-di-pasquale-dessanai/Libru #3: Salvatore Rubeddu il poeta maledetto. Su Zudissiu Universale, a incuru de Annico Pau, Paolo Sorba editore, https://www.paolosorbaeditore.it/libro/salvatore-rubeddu-il-poeta-maledetto-su-zudissiu-universale/E-mail: [email protected]

There are no comments yet.

Please log in to write the first comment.