Ep.136.5 只好強逼逐家聽韶的改歌

【放送事故】用歌聲補償 因為韶的早就排程好，煞毋知出啥問題，137集無傳成功，愛拜一才會當處理！ 請逐家諒情！ 韶的決定強逼逐家聽韶的改編的台語歌！ （悲情，請注意） 〈無爸〉作詞：朱英韶 改編自約翰藍儂的Imagine 遠遠看著你予阿兄攬咧  喀一聲 下頦撨轉去  三兄對你 輕聲細說  我跪咧 你目睭瞌瞌 偌希望你只是咧歇睏  精神了後 咱盡本分 以前病人排隊等你聽 聽心臟 按怎咇噗筅(phi̍h-pho̍k-tsháinn)  後來 in 踅圓環來看 看你躺塗跤無喘氣 三兄 袂堪得你用血離別  二兄 煞提早和你相會 大兄閃過頭前的劫數  閣來一擺煞閃無路  阿姊的靈魂關佇樓尾頂  阿母真堅強 活咧扞家 我想欲替你 捀燒茶  毋是燒香 夯咧綴拜  偌希望 坐車陪你看病人  毋是 載無靈魂的你過橋 我的目屎 自按呢結凍  靈魂束縛六十冬 YU 我離開刣死你的傷心故鄉 靈魂煞猶原無解放 等六十年的枉屈總算洗清 這才是咱的家鄉 ※解說-聽完才看 這塊歌是咧唱嘉義的 228 受難者潘木枝  用伊的第四个後生-潘英仁的角度去看  老母驚潘英仁大兄予掠走  所以共大兄藏起來  但是大兄後來猶原佇白色恐怖  因為讀冊會食罪、予送火燒島關 大姊本底真有才情 後來著憂鬱症起痟 二兄是出去欲揣老爸 結果佇路上予彈死 因為厝內無男丁出面 只好派只有 13 歲的三兄去收屍體  潘木枝已經予拍甲落下頦  規身軀血閣流目屎  經歷過這款創傷  三兄後來個性變甲真𠢕受氣、暴力    潘英仁講伊看著老爸死去 彼个記持變做創傷  予伊 60 年攏哭袂出來  所以伊拍拚出國讀冊  伊感覺台灣毋是值得伊留落來的所在 這集有潘木枝的故事： https://podcasts.apple.com/podcast/id1549247518?i=1000510979118 大約 9:00 開始有短短的故事  不過斯當時台語無啥好，竟然共潘木"枝"讀毋錯，會閣修正 QQ~ 故事的逐字稿 https://powerlessstudio.mystrikingly.com/blog/ep-05-228 故事參考潘英仁口述: https://www.upmedia.mg/news_info.php?Type=2&SerialNo=83830 Powered by Firstory Hosting

There are no comments yet.

Please log in to write the first comment.