ദ്രാവിഡം മെരുങ്ങുമോ ? ഉത്തരേന്ത്യൻ ഹിന്ദുത്വ പദ്ധതിയും തമിഴ് നാടും Interview with Amrith Lal 31/2023

രോഷാകുലയായ കണ്ണകി മധുരയിൽ പ്രവേശിച്ചപ്പോൾ കൊട്ടാരത്തിലെ സെങ്കോൽ വളഞ്ഞു എന്ന് ചിലപ്പതികാരം പറഞ്ഞത് ഏത് ധർമ്മച്യുതിയുടെ മുഹൂർത്തത്തിലാണ് ? പാർലമെന്റിൽ സെങ്കോൽ സ്ഥാപിച്ച ദിവസം സൻസദ് മാർഗിൽ ഗുസ്തി വനിതാതാരത്തിൻ്റെ കണ്ണീരുവീണപ്പോൾ ഇതാ സെങ്കോൽ വളഞ്ഞു എന്ന് തമിഴ് നാട് മുഖ്യമന്ത്രി എം കെ സ്റ്റാലിൻ ഇളങ്കോ അടികളെ ഓർത്തുകൊണ്ട് പറഞ്ഞപ്പോൾ അതു ചൂണ്ടിയത് ആഴമേറിയ ചില ബോധ്യങ്ങളിലേക്കാണോ ? തമിഴ് സ്വാഭിമാന പ്രസ്ഥാനവും അവിടുത്തെ അബ്രാഹ്മണ ശൈവമഠങ്ങളായ ആതീനങ്ങളുമായുള്ള സാംസ്കാരിക ബന്ധമെന്താണ് ? അവരുടെ സ്വാധീനം മനസ്സിലാകണമെങ്കിൽ ദ്രാവിഡപ്രസ്ഥാനത്തിന്റെ വിവിധ വേരുകൾ മനസ്സിലാക്കേണ്ടതില്ലേ ? ഇന്ത്യയിലെ ഏറ്റവും പുരാതന സംസ്കൃതികളിലൊന്നായ തമിഴകത്തിൽ പുതിയ ഹിന്ദുത്വ പദ്ധതി വിജയിക്കുമോ ? ഡൽഹിയിലെ Indian EXPRESS പത്രത്തിൽ ഡെപ്യൂട്ടി എഡിറ്ററായ അമൃത് ലാലുമായി ഒരു സംഭാഷണമാണിത് . തമിഴ് രാഷ്ട്രീയത്തിലെ ചരിത്രത്താലും സംസ്കാരത്താലും പ്രേരിതമായ അടിയൊഴുക്കുകളെ വിലയിരുത്തുന്ന പോഡ്‌കാസ്റ്റിലേക്ക് സ്വാഗതം . സ്നേഹപൂർവ്വം എസ് . ഗോപാലകൃഷ്ണൻ എഡിറ്റർ ദില്ലി -ദാലി പോഡ്‌കാസ്റ്റ് 04 ജൂൺ 2023 https://www.dillidalipodcast.com/

There are no comments yet.

Please log in to write the first comment.