Efer 457 (19-12-18): Especial industria dos drons en Galicia

En Galicia se está a artellar toda unha industria ao redor dos drons con epicentro no aeródromo de Rozas (Castro de Rei, Lugo). Os vehículos áreos non tripulados (UAV polas súas iniciais en inglés) poden axudar a solucionar cuestións estratéxicas para Galicia, desde a ordenación do territorio ou a xestión forestal ata o rescate na mar. Neste programa monográfico contaremos con todos os actores que participan no programa "Civil UAVs Iniciative" promovido pola Axencia Galega de Innovación (GAIN). Contamos con Patricia Argerey (directora do GAIN), Inés Santé e David Miranda (Laboratorio do Territorio, USC), Luis Pérez Freire (director de Gradiant), Alejandro Lamas (Sixtema) e Ramón Martínez (InSitu). Fernando Aguado, coordinador da Agrupación Estratéxica Aeroespacial da Universidade de Vigo, adiántanos a unha semana vista como vai ser o lanzamento do satélite galego LUME 1.

There are no comments yet.

Please log in to write the first comment.