Episodio 49: Historia afroamerikarra (euskaraz)

Otsailean, Black History Month edo Historia Afroamerikarraren hilabetea ospatzen da Estatu Batuetan. Dudarik gabe, afroamerikarren bizipenek eragin sakona izan dute historian eta kulturan. Eta gure podcastean ere, askotan isilpean gorde diren egoera, gertaera eta pertsonak aldarrikatzeko une aproposa dela iruditu zaigu. Literaturak arrazkeriarekin, bereizketarekin eta gehiegikeriarekin zerikusia duten esperientziak hobeto ulertzen lagunduko digu. Baina baita berdintasunaren eta afroamerikarren eskubideen aldeko borrokan murgiltzen ere. Gaurko saioan, hiru liburu izango ditugu mintzagai, bakoitza genero batekoa, baina guztiak afroamerikarren historiaren ingurukoak: • Zoaz mendira aldarrikatzera (James Baldwin), eleberria • Emakumea, arraza eta klasea (Angela Davis), saiakera • Black is Beltza (Fermin Muguruza, Harkaitz Cano eta Jorge Alderete), nobela grafikoa • Eta oraingoan ere, Errenteriako Liburutegitik Arantxa Cocak bere gomendioak utziko dizkigu. Datorren hilabetean gai berri bati ekingo diogu: emakumezko pertsonaia nagusiak, heroiak zein maltzurrak. Gainera, gonbidatu berezi bat izango dugu gurekin.

There are no comments yet.

Please log in to write the first comment.