#26 | Taraaaran taraaaran taraaa tararatan

Fans das Guerras das Galaxias, este é o voso programa! Programa especial polo 4 de maio, día do orgullo friki en xeral e en concreto, o día de Star Wars. E nos que contamos cun fan incondicional e radical á mítica saga do tito George nas nosas radiantes fileiras, non podíamos deixar pasar esta oportunidade sen que Carlos nos falase das súas anécdotas dentro do Congreso dos Deputados de cando estivo no departamento de comunicación do BNG en Madrid. Hai salseo de todas as cores, aínda que para os mekemekes nunca nada é suficiente e sempre queremos máis.  Miguel trae un pequeno caixón de parodias galácticas sobre este universo e Xubi chega de novo dende os baixos fondos hormonados de Ferrol para propoñernos un xogo no que temos que adiviñar diferentes escenas de Star Wars ca única pista do son dos sables de luz, ademais de contar como se creou este particular e icónico son e divagar sobre este obxecto que todo o mundo quixera ter no seu fogar para facer fronte aos se quefaceres diarios.

There are no comments yet.

Please log in to write the first comment.