(కథ manatelugukathalu.com లో చదవడానికి కథ పేరు మీద క్లిక్ చేయండి) వెంటాడే నీడ ఎపిసోడ్ 1 రచన : మల్లవరపు సీతారాం కుమార్ ఫ్రెండ్స్ తో కలిసి వూరి చివర ఉన్న మామిడి తోటలో పార్టీ చేసుకున్నాడు సుమంత్. సాయంత్రం నాలుగయింది. "ఇక బయలుదేరుదాం" అన్నాడు విశాల్ పైకి లేస్తూ. అతడు సుమంత్ కి బెస్ట్ ఫ్రెండ్. మిగతా స్నేహితులు కూడా బయలుదేరడానికి పైకి లేచారు. సుమంత్ కూడా పైకి లేచి వెంటనే తూలి పడబోయాడు. విశాల్ అతన్ని పడకుండా పట్టుకుని, "ఈ పరిస్థితుల్లో బైక్ డ్రైవ్ చెయ్యలేవు. నా బైక్ లో నిన్ను ఇంటి దగ్గర డ్రాప్ చేస్తాను. నీ బైక్ ఎలాగోలా రేపు మీ ఇంటికి చేరుస్తాను." అన్నాడు. “మా వూరు ముప్పై కిలోమీటర్లు ఉంది. అంత దూరం వచ్చి నన్ను డ్రాప్ చేసి , తిరిగి మీ ఇంటికి వెళ్లేసరికి చాలా ఆలస్యం అవుతుంది. పైగా ఈ పరిస్థితుల్లో నువ్వు కూడా అంత ప్రయాణం చెయ్యడం మంచిది కాదు.నేను ఓ గంట ఇక్కడే పడుకొని, తరువాత బయలుదేరుతాను. పార్టీ విషయం ఇంట్లో తెలిసిందే అయినా మరీ తూలుతూ ఉంటే బాగుండదు కదా !" అన్నాడు సుమంత్. "అలా అయితే నేను కూడా నువ్వు బయలుదేరే వరకు ఇక్కడే వుంటాను. ఒక్కడివే ఉండడం ఎందుకు?" అంటూ సుమంత్ పక్కనే కూర్చున్నాడు విశాల్. వీళ్లిద్దరికీ బై చెప్పి మిగిలిన స్నేహితులు వెళ్లిపోయారు. విశాల్ వంక అభిమానంతో చూస్తూ " నిజమైన స్నేహితుడివి నువ్వేరా! నన్ను ఎప్పడూ వదిలి పెట్టావుగా " మత్తులో కళ్ళు మూతలు పడుతుండగా అన్నాడు సుమంత్. స్నేహితుడి సమాధానం వినేలోగా అతని కళ్ళు మూతలు పడ్డాయి. *** మరి కాసేపటికి గుండెల మీద ఎవరో బలంగా నొక్కుతున్నట్లు అనిపించడంతో ఉలిక్కిపడి కళ్ళు తెరిచాడు సుమంత్. చుట్టూ కటిక చీకటి. అతని గుండెలమీద ఒక బలమైన ఆకారం కూర్చొని ఉంది. చీకట్లో ఆ ఆకారం కళ్ళు మిలమిలా మెరుస్తున్నాయి. ఆ ఆకారాన్ని పక్కకు తోసి పైకి లేవాలని ప్రయత్నించాడు సుమంత్. కానీ సాధ్యం కాలేదు. ఆ ఆకారం చాలా ధృడంగా ఉంది. దాన్ని కాస్త కూడా కదల్చలేక పోయాడు. "విశాల్ ! నన్ను కాపాడు"అంటూ గట్టిగా అరిచాడు. కానీ అక్కడ ఎవరూ లేరు. ఈ కథ మనతెలుగుకథలు.కామ్ లో ప్రచురింప బడింది. మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును. దయ చేసి సబ్స్క్రయిబ్ చెయ్యండి ( పూర్తిగా ఉచితం ). https://www.youtube.com/channel/UCP4xPLpOxrVz33eo1ZjlesQ ఈ కథను యూట్యూబ్ లో చూడండి Video link https://youtu.be/esE-n5Ovyq8

Ask this episode

“What did the council decide on item 42?” — answered with the speaker and the moment.

Transcript

Related