牛哥三個字｜同理心：謀殺案受害者引發網上熱議，冷血社會何以至此？

近日一位瑜珈老師被殺，網絡討論不斷。有人指呢一位瑜珈老師係性工作者，所以被殺係預咗／簡單講，係抵死。呢種言論令人感到身處喺一個冷漠嘅都市之中。我想以一篇短文去講下點解一件悲劇會引起熱議，然後講講冷漠嘅成因。 內容節錄： 「佢哋都將受害者嘅身份定義為惡，然後無視受害者係一個人，而只係情感宣洩嘅事件。根本問題係，佢哋心理上唔能夠同受害者連結，呢點其實係都市人嘅通病，只係佢哋更加極端。」 「城市生活隔絕人同人之間嘅感官連結......但問題係，同理心係需要喺連結當中去體現出嚟，當人同人嘅連結越少，人同人嘅同理心亦都隨之減少。」 對歧視者／極端者講一段說話：「「社會其實係一個共同體，一方面出錯，唔係只係嗰一方面嘅問題。唔係將某方面當成唔同類就可以獨善其身。如果你自命自己嘅價值觀正確，一但用錯嘅表達／態度，只會令你嘅價值觀蒙羞。 另外，你係一個人，佢係一個人，你可以唔同意佢，但你同佢都係同一個社會之下嘅人，尊重佢，係人嘅責任。」 －－－ 希望聽完呢一集嘅你，會明白喺極端言論嘅侮辱說話並唔係最可怕。最可怕嘅係人與人之間嘅分類，然後將他人當成外人，aka 唔需要尊重嘅存在。我哋或者都會不自覺墮入呢一種分類嘅陷阱，而不自覺（或自覺）咁傷害自己所認為嘅唔需要尊重嘅存在。 一個失去同理心嘅人，好可能會被困於自己嘅情感／價值觀，慢慢走向極端，而無法回頭。 _____ Instagram： @cowgortalk Patreon：patreon.com/cowgortalk 文字版：cowgortalk.wordpress.com

There are no comments yet.

Please log in to write the first comment.