# 6 - Fare el sindaco, un lavoro che no xe un lavoro

Quanti vorìa fare el sindaco parchè ga idee nove par sistemare tuti i problemi? Ogni tanto bisognarìa capire come se gestisse un comune, a che rassa de rogne te toca 'ndare incontro: pranzi e feste, cerimonie, teéfonade, bévare el cafè anca co i rompicojoni... e ogni tanto te toca anca lavorare! Ghemo schersà un'oreta co i sindaci de Vigonovo e Stra, Luca Martello e Andrea Salmaso, ospiti dea prima edission dea OktoberSTRAfest, version straense de l’Oktoberfest bavarese.Ideà, scrito e portà vanti da Herman Medrano.Se te pensi de fare un lavoro particolare, avere un hobby strano, o na passion da contarghe al mondo, scrivi a [email protected] e vièn fare el podcast.Segui e pajine Instagram e Facebook.

There are no comments yet.

Please log in to write the first comment.