Сонсогч танд шинэ 7 хоногийн мэнд хүргэе. Миний өглөө подкаст 206 дахь дугаараа хүргэж байна. Бид энэ удаагийн дугаарт олон жилийн турш хүлээлт үүсгээд буй Дарханы замын бүтээн байгуулалтын талаар ярилцлаа. Энэ ондоо багтаж ашиглалтад бүрэн орох ёстой 204 км автозамын бүтээн байгуулалтын ажил ямар шатандаа явааг Багц-1 төслийн нэгжийн захирал, "Арж Капитал" ХХК төслийн захирал С.Баярбилэг, "Макс Рөүд" ХХК ерөнхий инженер Ц.Балдангомбо нараас тодрууллаа. Улаанбаатар-Дархан чиглэлийн багц-1 37.282км хатуу хучилттай авто замын төслийг 2023 оны 3р сарын 15-ны өдрөөс эхлэн гүйцэтгэж байна. Төсөл эхэлснээс хойш өнөөдрийг хүртэл далангийн хажуу налуу хэлбэржүүлэх ажил 82%, уулын болон өөрийн шуудууны ажил 53%, туузан хашлага 34% гялбаанаас хамгаалах самбар байрлуулах ажил 100%, явган замын хашлага 22%, явган замын хавтан 32%, замын хэвтээ тэмдэглэгээний ажил 17%, чулуун өрлөгний ажил 100%, L хашлага суурилуулах ажил 42%, U суваг суурилуулах ажил 48% төслийн ажлын нийт гүйцэтгэл 76.05% гүйцэтгэлтэй ажиллаж байна. Улаанбаата-Дархан чиглэлийн багц-2 45.5 км хатуу хучилттай авто замын төслийг 2023 оны 3-р сарын 15ны өдрөөс эхлэн гүйцэтгэж байна. 2023 оны хувьд асфальтбетон хучилтын хагарал гагнах ажил 100%, Хоолойн 2 үеийн чулуун бэхэлгээний ажил Дөрвөлжин хоолойн 21 хоолойноос 20 хоолойд дууссан, дугуй хоолой 24 хоолойноос 24 хоолойнд хийж дууссан ажлын гүйцэтгэл 98%, Хоолойн чулуун бэхэлгээний ажил 45 хоолойноос 24 хоолойнд хийгдсэн ажлын гүйцэтгэл 53%, Шуудуу байгуулах ажил 2520 м хийж гүйцэтгэсэн гүйцэтгэл 22%, Хоолойн цэвэрлэгээний ажил 45 хоолойноос 43 хоолойнд хийж гүйцэтгэсэн гүйцэтгэл 96%, Цаснаас хамгаалах далан байгуулах ажил 1240м хийгдсэн 100% байна. Нийт ажлын гүйцэтгэл 72.27% байна.

Ask this episode

“What did the council decide on item 42?” — answered with the speaker and the moment.

Transcript

Related